Valdimar Birgisson

Má heita Maxima en Marzellíus bannað

2011-07-21T03:25:00.000-07:00

Á Vísi í dag 21 júlí 2011 er frétt um það að Mannanafnanefnd hafi heimilað kvenmannsnafnið Maxima og hefur það verið fært á mannanafnaskrá.Sjá frétt hér Á sama tíma var úrskurðað að nafnið Alexis væri gott og gilt. Gott mál að fólk hafi leyfi til þess aðákveða nöfn á börnin sín. Það á að treysta foreldrum fyrir því en ekki ríkinu.

Við hjónin höfum fengið neitun frá mannanafnanefnd að nefna son okkar Marzellíus sem annað nafn vegna þess að í því er z.

Afhverju er verið að halda úti þessari nefnd? Hver eru rökin fyrir því? Er það til þess að vernda börnin fyrir foreldrum sínum eða íslenskuna fyrir Íslendingum? Úrskurðir mannanafnanefndar sýna að hvorugt virðist vera markmiðið sem haft er í huga. Ef nafnið fellur að reglum og málhefð er það í lagi. Þetta er eitt dæmi af mörgum sem sýna það, stúlka má heita Maxima en við getum ekki skráð son okkar Marzellíus. Samt eru nokkrir sem heita Marzellíus í dag og er nafnið í móðurfjölskyldu hans sem kemur frá Ísafirði. Ömmubróðir hans sem býr fyrir vestan ber þetta nafn. Hann er náttúrulega uppnefndur Mazzi heitinn í dag.

Það er ný búið að samþykkja nafnið af mannanafnanefnd því afi strákssins hét Marzellíus. Það má s.s. nefna Marzellíus ef afi bar nafnið en ekki ef ömmubróðir heitir það! Allt eru þetta náttúrulega frændur.

Ég skil ekki af hverju það er ekki búið að breyta lögum og leggja mannanafnanefnd niður, þeir sem þar sitja ættu að sjá sóma sinn í því að hætta sjálfir.

Hér er mynd af Birgi Marzellíusi

2011-06-24T06:56:00.000-07:00

Matthías Már við gosstöðvar á Fimmvörðuhálsi

Martin að taka myndir af foss

Klassík

2011-05-11T02:20:00.001-07:00

Þessi auglýsing er við Hólavallakirkjugarð við hringbraut. Klassík

Bílafólkið

2011-05-08T10:43:00.000-07:00

Var að hjóla með börnin um miðbæinn í dag. Á sumum stöðum í bænum er ekki hægt að hjóla vegna þess að bílum er lagt svo óskynsamlega svo ég taki ekki sterkar til orða. Ótrúlegt tilitsleysi við aðra þegar fólk leggur bílum upp á gangstéttir eins og sést á þessum myndum. í alvöru....

Alkemistinn, prentmiðlar

2010-11-26T12:32:00.000-08:00

Alkemistinn 10NOV10 from Vidar Gardarsson on Vimeo.

Fréttatíminn fær góðar viðtökur

2010-10-15T17:15:00.000-07:00

Það er óhætt að segja að Fréttatíminn hafið fengið góðar viðtökur. Í fyrsta lagi tóku auglýsendur okkur afar vel og í öðru lagi hafa lesendur tekið blaðinu fagnandi.

Auglýsingapláss í fyrsta tölublaði seldist upp á miðvikudegi. Síðan hafa blöðin verið þétt eins og sjá má á þeim blöðum sem hafa komið út. Það sem skiptir líka máli er að auglýsendur eru almennt ánægðir. Við teljum að hlutfall auglýsinga í blaðinu sé hæfilegt. Það má jú alltaf deila um hvað er hæfilegt magn af auglýsingum í fríblaði en við miðum við að blaðið beri sig og að blaðið beri auglýsingar vel.

Það gladdi okkur mjög að lesendur hafa líka tekið okkur vel. Án þeirra er ekki hægt að gefa út blað, lesendur eru okkar auðlind ef svo mætti að orði komast og þar liggur tryggð okkar.

MMR kannaði lestur á fyrsta blaðið og þá kom í ljós að 55,3 höfuðborgarbúa lásu fyrsta blaðið á fyrstu þremur dögum útgáfu. 49,1% fólks með háskólanám á landinu öllu lásu blaðið og 50% þeirra með tekjur yfir 800 þúsund á mánuði. Þetta er mæling á fyrstu helgi fyrsta blaðs. Þarna er vitneskjan um blaðið, vöruvitund, ekki há. Þessar tölur verða því að teljast mjög góðar. Til dæmis mældist Blaðið (ef einhver man eftir því blaði) með 27% lestur á landinu öllu eftir nokkurn tíma. 53,5% á landinu öllu í aldurshópnum 30 til 49 ára lásu Fréttatímann og til að nefna hliðstæður þá lesa að meðaltali 62,6% fólks á aldrinum 40 til 49 ára Fréttablaðið og 31,4% Morgunblaðið. Við erum að nálgast Fréttablaðið strax með fyrsta blaði.

Við gerðum líka könnun sjálf á lestri á annað tölublað. Ekki það að við ætlum að kynna hana sem niðurstöður sem auglýsendur geta byggt á. Ekki frekar en það ætti að kynna niðurstöður könnunar um keppinauta. Heldur gerðum við þetta til þess að fá viðbrögð frá lesendum og að kanna dreifingu. Við fengum 250 manna úrtak, fengið af Facebook. Þar var lesturinn rúmlega 80% meðal höfuðborgarbúa á annað tölublað og 88% höfðu lesið fyrstu tvö blöðin. Þannig að við gerum okkur væntingar um að lesturinn hafi aukist.

Eins og ég sagði var tilgangurinn fyrst og fremst að fá viðbrögð frá lesendum og það tókst. Við fengum viðbrögð sem nýtast okkur. Bæði ábendingar um það sem betur má fara og einnig hrós og fjölda hvatningarorða um að halda áfram að gefa út gott blað, engum háð. Okkur þótt gott að fá hvatninguna og ekki síður ábendingarnar, við ætlum að hlusta á það sem er sagt við okkur. Blaðið verður til og þróast í samvinnu við lesendur. Við erum s.s. að hlusta.

82% af þeim sem hafa lesið blaðið líkar vel við það eða mjög vel. 16% hvorki vel né illa og 2% sögðu að þeim líkað illa við blaðið. Þannig að lesendum hugnast blaðið vel, takk fyrir það.

Vont en það vesnar

2010-08-13T06:53:00.000-07:00

Það er nokkur langt síðan að dagblöðum var spáð dauða. Sú spá hefur ekki gengið eftir því eðlilega hafa dagblöð brugðist við breyttum aðstæðum og ógnunum í umhverfinu með því að aðlaga blöðin breyttum tímum. Þetta er að gerast um heim allann, blöð breytast eða þau deyja.

Könnun Capacent maí - júlí 2010

Stjórnendur Morgunblaðsins virðast hafa valið síðari kostinn. Þeir velja að halda áfram óbreyttu eða lítið breyttu blaði sem mun að endanum ganga af því dauðu.

Morgunblaðið hafði yfirburðastöðu á markaðinum fyrir 10 til 15 árum. DV var annað stærsta blaðið með lestur sem var langt um meiri en Morgunblaðið hefur í dag. Þá var lestur á DV um 50% og lestur á Morgunblaðið mun meiri. Núna hefur fríblað tekið við stöðunni sem Morgunblaðið hafði áður og hefur yfirburðar stöðu en Morgunblaðið er að fara niður fyrir 30% meðallestur á næstunni geri þeir ekkert til þess að breyta stöðunni. Athugið að það er ekki um það að ræða að blaðið hafi hækkað verð og sé að fá meira út úr hverri áskrift heldur virðist verð vera lægra nú en það hefur oftast verið og auglýsingaverð er afar lágt vegna yfirburðarstöðu Fréttablaðsins og hversu snertiverð er lágt þar. Það hlítur því að vera verulegt tap á þessum rekstri.

Verstu fréttirnar fyrir Morgunblaðið og auglýsendur er að lesturinn er fyrst og fremst hjá fólki eldra en 50 ára. Um 20% fólks á aldrinum 12 til 40 ára les Morgunblaðið í dag og um 30% á aldrinum á milli 40 og 50 ára. Lestrinum er haldið uppi af fólki eldra en 50 ára. Það er því augljóst hvert stefnir.

Hugsanlega eru eigendur og stjórnendur að ná markmiðum sínum ef þau eru halda á lofti skoðunum eigenda og ritstjóra og verja hagsmuni þeirra.

Morgunblaðið fann andstæðing ESB í Evrópu og vitnar í hann, nema hvað

2010-07-07T15:21:00.000-07:00

Ekki ganga í ESB! - mbl.is Svo hljóðar fyrirsögn í mbl í dag. Tilefnið er ræða Nigel Farage á Evrópuþinginu í umræðum um aðildarumsókn Íslands. Nigel þessi er svarin andstæðingur ESB og sagði sig úr Íhaldsfloknum þegar þeir samþykktu inngöngu Breta í ESB. "Farage sagði m.a. að rætt væri um lítið samfélag í Norður-Atlantshafði sem búi við þúsund ára þingræðishefð, gott menntunarstig og þar sem fólk hugsi áður en það framkvæmir."Akkúrat, fólk sem hugsar áður en það framkvæmir. Allir sammála þessu?

Einu sinni var…..

2010-06-30T12:35:00.001-07:00

Ragnheiður Ríkharðsdóttir þingkona Sjálfstæðisflokksins skrifar á bloggið sitt í dag:

Þetta sagði Björn Bjarnason í grein árið 1991.
„Við erum þegar farin að sjá til þess hóps manna, sem þykist betur í stakk búinn en aðrir til að segja afdráttarlaust fyrir um það, að íslenska þjóðin glati sjálfstæði sínu, menningu og tungu með frekara samstarfi við aðrar þjóðir, einkum Evrópuþjóðirnar. Þeir sem þannig tala hafa þann sið að gera sem minnst úr málefnalegum rökum viðmælenda sinna og láta eins og þau hnígi öll að því að þurrka íslensku þjóðina út úr samfélagi þjóðanna. Hræðsluáróður af þessu tagi er alls ekki nýr í íslenskum stjórnmála umræðum. Kommúnistar héldu honum á loft um árabil í umræðum um varnir þjóðarinnar.“   „Þótt menn hafi ekki komist til botns í máli og geri ekki mikið meira en gára á því yfirborðið, stofna þeir samtök gegn málefninu. Er það til marks um einlægan vilja til málefnalegra umræðna?
Evrópumálin voru á dagskrá landsfundar Sjálfstæðisflokksins árið 1989.  Í skýrslu Aldamótanefndar, hverrar Davíð Oddsson var formaður, segir m.a. „Hugsanlega verður þó skynsamlegast að óska beinlínis eftir viðræðum um inngöngu Íslands í Evrópubandalagið, þótt menn séu um leið reiðubúnir að láta inngöngu ráðast af því, hvort þau skilyrði, sem henni kunna að fylgja, þyki aðgengileg eða ekki. Verði sú niðurstaðan, að þau séu óaðgengileg talin, hafa menn heldur engar brýr brotið að baki sér. Og þrátt fyrir allt er líklegt að smæð okkar verði okkur styrkur ásamt með því að við erum að véla við bandalagsþjóðir okkar í Atlantshafsbandalaginu og margar hefðbundnar vinaþjóðir, þar sem við njótum trausts.Það er því óheppilegt að borið hefur á því, að við séum sjálfir að búa okkur til skilyrði og mála skrattann á vegginn og þar með að veikja okkar eigin samningsstöðu er við mætum með sjálfskapaða annmarka til viðræðna við Evrópubandalagið.Við megum síst af öllu ganga að þessu viðfangsefni með þrá um forna innilokun og einangrun, alteknir af ótta og kjarkleysi. Við verðum að sýna reisn og styrk og forðast einangrunarþörf og minnimáttarkennd. Til slíkra viðræðna hljótum við að ganga sannfærðir um það að reyna að ná fram hinu besta, en jafnframt tilbúnir til þess að hverfa frá þeirri leiðinni, ef niðurstaðan er ekki þolanleg.“
Í mars 2009 sagði núverandi formaður Sjálfstæðisflokksins„En til lengri tíma finnst mér ólíklegt, að við getum aukið stöðugleikann með krónunni. Þess vegna hef ég verið talsmaður þess að við tökum afstöðu til Evrópusambandsaðildar á komandi árum.  Í pólitísku og peningamálalegu samhengi tel ég engan valkost jafn sterkan eins og evran með ESB-aðild. “
Einu sinni var ……

Um ritsóða og spunameistara

2010-05-15T03:39:00.000-07:00

Laugardagur d. 15. maí. 2010 - Powered by Valuesoft
Reykjavíkurbréf Morgunblaðsins 15 maí fjallar m.a. um nafnlausa ritsóða á Eyjunni og spunameistara sem afbaka sannleikann. Það má taka undir það að umræðan er orðin sóðaleg en þar mætti Morgunblaðið líka líta sér nær því akkúrat á því blaði viðgangast skrif nafnlausra ritsóða og spunameistara sem afbaka sannleikann.

Vísir - Viðskipti - Viðskipti innlent

2010-05-14T08:53:00.000-07:00

Vísir - Viðskipti - Viðskipti innlent
Það er áríðandi að vera með dugmikla blaðamenn sem fylgjast með því að jafnræðis sé gætt í með ferð mála sem tengjast hruninu. Það er líka full ástæða til þess að rifja það upp að þegar bankarnir voru einkavæddir voru allar gagnrýnisraddir illa séðar og þeir sem voguðu sér að kafa í málið fengu hefðbundnar takteríngar frá náhirðinni.

DV.is - Sandkorn - Arftaki Óskars

2010-05-14T03:24:00.000-07:00

DV.is - Sandkorn - Arftaki Óskars

Það er mikið til í sandkorni DV að líklegasti arftaki Óskar Hrafns sem fréttastjóri Stöðvar 2 er Steingrímur Ólafsson fyrverandi fréttastjóri og núverandi ritstjóri Pressunar. Það er miður ef svo fer. Ég er að vona að í þetta skipti verður ráðin fréttastjóri sem hefur gildi vandaðar fréttamennsku að leiðarljósi og líti fyrst og fremst á hagsmuni almennings þegar fréttaefni er valið. Á það skortir víða eins og blasir við. Steingrímur er ekki líklegur til þess að uppfylla þessar sjálfsögðu kröfur, hann hefur einfaldlega sýnt það í gegnum tíðina að fréttamat hans er litað. Óskar Hrafn var hins vegar frábær að því leiti að hann hafði hagsmuni almennings að leiðarljósi. Hins vegar má deila um það hversu vandaður fréttaflutningur hans var, það var líka það sem varð honum að falli.

Það þarf ekki að leita langt til þess að finna rétta manninn í starfið.

ESB fordæmir dauðarefsingar í Íran - mbl.is

2010-05-12T15:53:00.000-07:00

ESB fordæmir dauðarefsingar í Íran - mbl.is
Dæmd til dauða fyrir að vera óvinir Guðs. Mikkið óskaplega erum við stutt komin.

Að segja rétt frá og hafa rétt eftir

2010-02-08T03:03:00.000-08:00

Ákvörðun Arion banka misbýður samfélaginu - mbl.is

Ég hef oft verið hugsi yfir því þegar fólk alhæfir um skoðanir eða vilja fólks án þess að hafa neitt annað en eigin skoðanir eða vilja til þess að styðjast við.

Fyrirsögn fréttar í Morgunblaðinu 2. febrúar 2008 er svona " Ákvörðun Arion banka misbýður samfélaginu" Ég hef ekki séð könnun á því hvað fólki finnst um þessa ákvörðun bankans og það er hæpið að það hafi unnist tími til þess að kanna hvað fólki finnst um þessa ákvörðun. Því vakti þessi fyrirsögn áhuga minn. Þessi orð eru höfð eftir Vilhjálmi Bjarnasyni lektor við Háskóla Íslands. Getur verið að Vilhjálmur sé sekur um svona hæpin rökstuðning án þess að hafa nokkuð fyrir sér annað en eigin skoðun? Í fréttinni er svo vitnað í Vilhjálm "að það fyrirkomulag sem Arion banki kynnti í síðustu viku um framtíð verslanakeðjunnar Haga væri til þess fallið að misbjóða íslensku samfélagi" en fyrirsögnin er "Ákvörðun Arion banka misbýður íslensku samfélagi"

Nú má það vel vera að þessi ákvörðunbankans misbjóði íslensku samfélagi, ekki ólíklegt að svo sé. Og það er hárrétt hjá Vilhjálmi að ákvörðunin er til þess fallin að misbjóða íslensku samfélagi.

Eflaust munu margir líka álykta að ég sé að taka afstöðu með eða á móti þessari ákvörðun en svo er ekki. Ég hef efasemdir um ágæti forkaupsréttar helstu stjórnenda Haga á hlutafé en er sáttur með þá ákvörðun að setja fyrirtækið á markað.

En það virðist vera (tek það fram að ég horfði ekki á silfrið þar sem þessi orð féllu) að blaðamaður sé að túlka orð Vilhjálms heldur frjálslega. Það er munur á því að segja að það sé til þess fallið að misbjóða íslensku þjóðinni og að það misbjóði íslensku þjóðinni.

Það er íslenska þjóðinn sem segir til um það hvort henni er misboðið eða ekki ekki Vilhjálms að ákveða það fyrir hana og ekki Morgunblaðsins.

Change

2009-12-30T06:32:00.001-08:00

,,, or die

Met í auglýsingasölu hjá Fréttablaðinu

2009-12-29T01:44:00.000-08:00

Það hefur ekki farið fram hjá neinum sem vill sjá að Fréttablaðið var stútfullt af auglýsingum fyrir jólin nú sem aldrei áður. Enda voru nokkrar fréttir af þeim bæ sem sögðu okkur frá því að blaðið hefði aldrei verið stærra. Ég hef líka hlerað að auglýsingasala í krónum talið hafi aldrei verið meiri en nú í desember. Hvort hún sé meiri nú en áður á núvirði veit ég ekki en þetta segir okkur að í kreppu þá dregst mest saman hjá jaðarmiðlum.

Vöxtur dv.is

2009-12-22T02:46:00.000-08:00

dv.is hlýtur að vera hagkvæmur auglýsingakostur í dag. Vefurinn hefur vaxið mjög að undanförnu og eflaust hægt að fá auglýsingar á góðu verði. Synd að það skuli ekki vera marktækar upplýsingar notendur á þessa vefi aðrar en þessar upplýsingar frá Modernus. Þær upplýsingar segja okkur ekki hver er að nota vefinn heldur eingöngu hversu margar IP tölur heimsóttu vefinn og svo hversu mörgum síðum var flett. Að sjálfsögðu eru það gagnlegar upplýsingar en það vantar ítarlegri upplýsingar þannig að markaðstjórar geti tekið upplýsta ákvörðun um það hvar á að auglýsa. En miðað við mína reynslu á verði á auglýsingar á dv.is vs mbl.is þá hljóta menn að skoða dv.is.

Það sama má líka segja um auglýsingar á eyjan.is og pressan.is það eru vefir sem hafa vaxið gríðarlega og aftur synd að þeir skuli ekki gefa auglýsendum nánari upplýsinga um það hverjir eru að nota vefinn. Það er ekki flókið að ná í þær upplýsingar og þarf ekki að vera dýrt.

Hugsanlega er ástæðan sú að menn telji það ekki þess virði. Það hefur verið lenska t.d. í tímaritaútgáfu að leyna fyrri viðskiptavinum sínum hvað hann er að fá fyrir peningana. Þetta lýsir sér t.d. með því að verið er að leyna upplagstölum eða beinlínis að segja ósatt um upplagstölur og dreifingu. Til lengri tíma litið ber slík sölumenska ekki árangur.

Auglýsingatekjur fjölmiðla 2008

2009-12-09T04:56:00.000-08:00

Það sem vekur athygli er að tekjur útvarps aukast á milla ára 2007 og 2008 á meðan tekjur falla töluvert hjá sjónvarpsmiðlum og meira hjá blöðum og tímaritum. Þetta þarf svo sem ekki að koma mikið á óvart. Frá árinu 2004 höfðu margir spáð töluverðri aukningu í útvarpi. Það reyndist rétt aukning í útvarpi hefur verið verluleg hlutfallslega miðað við aðra miðla. Líklega verður aukningin meiri milli ára 2008 og 2009 en dregur úr henni eftir það.

Það vantar hins vegar aðgreiningu netauglýsinga í þessar tölur. Það væri forvitnilegt að skoða þróunn þar.

Markaðssetning á skíðasvæðum

2009-12-09T04:47:00.000-08:00

Athyglisverður fyrirlestur um markaðssetningu á skíðasvæðum.

Sjóstangaveiði

2009-02-17T08:37:00.000-08:00

Gleðileg Jól

2008-12-24T01:20:00.000-08:00

Verið óhrædd, framundan eru endalaus tækifæri og hamingja. Allt undir þér komið!

Að ljúa með tölum - eru fjölmiðlar hlutlausir?

2008-11-05T13:47:00.000-08:00

Vísir, 05. nóv. 2008 17:13

Fréttablaðið eykur forskot sitt á Morgunblaðið

Lestur á Fréttablaðinu jókst um 3,06% á tímabilinu ágúst-október ef miðað er við sama tímabil í fyrra. Hann var 62,1% í fyrra en 64,0% á þessu tímabili í ár. Á sama tíma dróst lestur á Morgunblaðinu saman um 6,50%, fór úr 43,1% í 40,3%. Þessar tölur miðast við aldurshópinn 12-80 ára.

Ef miðað er við aldurshópinn 18-49 ára eykst lestur Fréttablaðsins um 4,35%, fór úr 62,1% í 64,8%, en lestur á Morgunblaðinu dróst saman um 12,91%, fór úr 36,4% í 31,7%.

nnlent | mbl.is | 5.11.2008 | 17:39

Lestur á Morgunblaðinu eykst

Meðallestur á Morgunblaðið var 40,3% á tímabilinu ágúst til október, samkvæmt nýrri rannsókn Capacent Gallup. Er þetta 1,6% aukning frá síðustu mælingu en á tímabilinu maí til júlí var meðallestur á tölublað 38,7%. Lestur á Fréttablaðinu dregst hins vegar saman á milli tímabila um 0,8%. Var 64,8% á tímabilinu maí til júlí en er 64% á tímabilinu ágúst til október.

Ef litið er á tölur yfir eitthvað lesið á tímabilinu ágúst til október mælist Morgunblaðið með 68,9% en Fréttablaðið 88,9%.

Sjá nánar á vef Capacent Gallup

Always Look on the Bright Side of Life

2008-11-02T05:25:00.000-08:00

Monty Python - Merchant Banker Sketch

2008-11-02T01:03:00.000-07:00

Snilld

2008-09-17T07:11:00.000-07:00

Þessi mynd er úr Viðskiptablaðinu í morgun.

Ámundi gefur út Birtu

2008-09-04T02:09:00.000-07:00

Á mannlif.is segir: "Ámundi Ámundason hefur keypt útgáfuréttinn á Birtu, sem var fylgiblað Fréttablaðsins, og mun fyrsta tölublað endurreistrar Birtu koma út á föstudag. Kristján Þorvaldsson er ritstjóri.
Fréttablaðið hætti útgáfu Birtu þar sem blaðið bar sig ekki. Ámundi er líklegastur allra til að geta endurreist Birtu."

Rétt er það að Ámundi er líklegastur til þess að geta haldið Birtu gangandi. Vandamál Birtu var alltaf of hár kosnaður. Tekjurnar voru í raun ágætar.

Ekki skollið á óveður á Íslandi - mbl.is

2008-09-02T08:11:00.000-07:00

Ekki skollið á óveður á Íslandi - mbl.is
Ingibjörg Sólrún hefur undarlegan mælikvarða á það hvað er "efnahagslegt óveður" og hvað ekki. í 14% verðbólgu, vextir 15% og krónan fallið um 35% . Óhjákvæmilegt að fasteignaverð lækki um 30% og atvinnuleysi vex ótrúlega hratt segir hún allt í þessu fína. Þetta er ástand sem er ávísun á gjaldþrot fyrirtækja og enn meiri samdrátt og það sem verra er gjaldþrot og vonleysi hjá mörgum íslenskum fjölskyldum. Ungt fólk sem hefur fest kaup á húsnæði síðastliðin þrjú ár getur lent í miklum vandræðum. Það eru ekki bara þeir sem hafa reist sér hurðarás um öxl sem eiga hættu á að missa sitt.

Crowd Surfing - social media

2008-08-28T03:33:00.000-07:00

David Brain, forstjóri Edelman í Evrópu, gaf fyrir stuttu út bókina Crowd Surfing. Við gerð bókarinnar tók hann viðtal við Andy Lark hjá Dell. Dell notar "social media" markvisst við að ná sambandi við viðskiptavini og þekkja þarfir þeirra.

Auglýsendur á OL í Peking undir þrýstingi

2008-06-20T03:21:00.001-07:00

Adidas er eins og aðrir kostendur á Ólympíuleikunum í Peking undir þrýstingi að mótmæla mannréttindabrotum Kínverja á Tíbetum. Forstjóri Adidas segir það ekki í verkahring kostenda á Ólympíuleikunum að mótmæla mannréttindabrotum Kínverja. Hann segir að ef fyrirtæki blandist í pólitík með þessum hætti þá verða þau að vera sjálfum sér samkvæm og þrýsta líka á Bandarísk stjórnvöld vegna Guantanamo, spænsk vegna ETA o.s.frv.

Aðrir kostendur svo sem Coca-Cola, General Electric og Volkswagen hafa einnig verið undir þrýstingi um að kosta ekki Ólympíuleikana af sömu ástæðu.

Kostun á Ólympíuleikunum hefur hingað til verið nokkuð áhættulaus. Nú er hins vegar möguleiki á því að fólk verði á skipulegan hátt hvatt til þess að sniðganga vörur kostendanna.

Auglýsing frá Honda

2008-05-30T06:13:00.000-07:00

Þessi auglýsing fær milka athygli eins og fleiri auglýsingar frá Honda hafa fengið undanfarið.

House of Fraser skiptir um auglýsingastofu

2008-05-23T10:17:00.000-07:00

House of Fraser sem er að mestu í eigu Baugs skipti um auglýsingastofu fyrir skömmu. Það var auglýsingastofan DLKW sem hneppti 9 milljóna punda virði auglýsingasamning við fyrirtækið.

14,6 milljónir breta horfðu á úrslitaleikinn

2008-05-22T16:48:00.000-07:00

14,6 milljónir Breta horfðu á Mansester Uneted sigra Chelsa í Meistaradeildar Evrópu 22. maí.

Sigur MU á Chelsa í æsispennandi leik dró fleiri Breta að sjónvarpsskjánum en áður á þessu ári.

Hápunkti var áhorf þegar Nicolas Anelka benndi af vítaspyrnuna og MU fagnaði þriðja tillinum á þessu tímabili.

43% sjónvarpsáhorfenda á "prime time" horfði á leikinn og upphitunardagskrá, þrátt fyrir ágæta dagskrá keppinauta, samanborið við 35,4% í fyrra þegar AC Milan og Liverpool áttust við .

Talið er að leikurinn hafi skilað ITV um 9 m. punda ( 135 milljónir ) í auglýsingatekjur. Framlenging á leiknum skilaði um 1m punda í tekjur. 30 sek. auglýsing kostaði 200.000 pund. ( 28 milljónir )

Helstu auglýsendur voru:Ford, Cadbury, Samsung, Blackberry, L'Oreal, Audi, Nike, Bullmers, Apple, First Direct, BT og XBox.

Ekki drekka - eins og svín

2008-05-19T06:03:00.001-07:00

Ég sagði frá því að breskir áfengisframleiðendur eru að hvetja fólk með auglýsingum til þess að drekka í hófi. Vínbúðin er að keyra umdeilda auglýsingu um sama efni. Það er vissulega hægt að taka undir með þeim sem gagnrýna þessa auglýsingu að það er ekki hægt að lækna vandræðadrykkju hvað þá alkahólisma með auglýsingu.

Hins vegar er ágætt að ofdrykkja er ekki viðurkend hegðun eins og þessi augýsing sýnir. Hún fær kannski einhvern til þess að hugsa.

En er þetta ekki ágæt ímyndarauglýsing fyri Vínbúðina?

Áfengisauglýsingar

2008-05-13T14:58:00.000-07:00

Í Bretlandi hafa áfengisframleiðendur hrundið af stað herferð til þess að draga úr "vandræðadrykkju" Ætlunin er að nota markaðsaðferðir, væntanlega þá auglýsingar, til þess að koma því að hjá ungu fólki að ofdrykkja sé ekki kúl. Jamm, sjáum til hvernig það gengur. Hér er dæmi um nýja auglýsingu á bjór frá Bud Light. Jafnvel amma er kúl að drekka og keyra ( full ? ) inn í markaðinn á fjórhjóli. Jamm ...

Ég sagði það

2008-05-13T10:02:00.000-07:00

Nýjar tímaritaauglýsingar

2008-04-29T17:25:00.000-07:00

Lykt, hljóð og popup í tímaritaauglýsingar. Held ekki að þetta verði algengt. Hver nennir að lesa blöð sem eru eins og barnabók og lyktar og er með læti?

If it´s not for you, it´s not for you

2008-04-29T16:26:00.000-07:00

Auglýsing fyrir Buenos Aires Independent Film Festival.

Óviljandi vörusýnd?

2008-04-29T10:00:00.000-07:00

Það hefur verið umræða á bloggsíðum í USA hvort að Abercrombie & Fitch hafi keypt product placement við ræðu Obama. Það er ómögulegt annað en að taka eftir þremur mönnm sem standa fyrir aftan Obama í bolum merktum A&F.

Fyrirtækið hafnar því að hafa keypt umrædda vörusýnd en Tom Lennox hjá A&F segist þakklátur fyrir athyglina sem þeir fengu, hún er ótrúlega verðmæt.

Auglýsing frá Amnesty International

2008-04-29T03:38:00.000-07:00

Hér er ágæt auglýsing sem var gerð fyrir Amnesty International. Hún sýnir vatn notað við pyntingar. Í upphafi er líkt og verið sé að auglýsa drykkjarvatn en í raun er verið að drekkja manni. Auglýsingin vekur hjá áhorfanda falska öryggiskend í upphafi. Markmiðið er að fá fólk til að skrá sig á vefsíðu samtakana.

Góð auglýsing frá Sony

2008-04-25T07:32:00.000-07:00

Nú er farið að sýna auglýsingu Sony "foam city" sem hefur gengið á netinu undanfarnar vikur.

Eftirsjá eftir Láru

2008-04-25T06:51:00.000-07:00

Lára Ómarsdóttir sýndi manndóm með því að segja upp störfum. Það er eftirsjá eftir henni úr fréttum og vonandi ratar hún til baka síðar.

Dæmdur fyrir birtingu áfengisauglýsinga

2008-04-25T03:46:00.000-07:00

Andri Þór Guðmundsson forstjóri Ölgerðarinnar var 22.apríl dæmdur í héraðsdómi Reykjavíkur til þess að greiða 300 þúsund kr. í ríkissjóð fyrir birtingu á áfengisauglýsingum ( sjá dóm ) Þetta er í fyrsta skipti sem dæmt er fyrir kynningar á áfengi. Það sem er merkilegt við dóminn er að nú er dæmt fyrir kynningar á bjór. Í dómnum er vitnað er í 1. mgr. 20 gr. áfengislaga sem setir að "hvers konar auglýsingar á áfengi og áfengistegundum bannaðar" og að í 2 mgr. segir: "með auglýsingum sé átt við hvers konar tilkynningar til almennings vegna markaðssetningar þar sem sýndar eru í máli eða myndum áfengistegundir eða atriði tengd áfengisneyslu" Auk þess er tekið fram að fyrirtækið hafi greitt fyrir birtingarnar.

Hér eru umræddar kynningar/auglýsingar:

Verðmætasta vörumerkið

2008-04-21T07:12:00.000-07:00

Millward Brown kynnti nýverið 100 áhrifamestu eða verðmætustu merkin í heiminum. Google er samkvæmt þeim aðferðum sem þeir nota til mælinga verðmætasta merkið í heiminum í dag. Nokia er verðmætast í Evrópu og Vodafone í Bretlandi.

Helstu tíðindin í þessari úttekt er innkoma merkja frá Kína á listann og uppgang merkja tæknifyrirtækja.

Þið getið skoðað skýrsluna hér

Auglýsingamarkaðurinn í kreppu

2008-04-21T05:57:00.000-07:00

80% af fjölmiðlaneyslu rafræn

2008-04-21T04:56:00.000-07:00

Hér er athyglisverð mynd frá MediaCom. 80% af fjölmiðlaneyslu verður rafræn árið 2020.

Google græðir meira í kreppunni

2008-04-18T07:19:00.000-07:00

Guardian greinir frá því í dag að Internetrisinn Google hefi aukið tekur um 31% á fysta ársfjórðungi ársins. Nokkur eftirvænting var eftir þessum tölum og segir forstjóri Google Eric Schmidt þá hafa farið vandlega yfir þessar tölur. Þær sýni að viðskiptamódel Google gengur vel í kreppu. Google getur selt auglýsendum aðgangað að fólki nær kaupákvörðun en aðrir.

RÚV gefur eftir

2008-04-17T15:47:00.000-07:00

Í síðustu viku virtist sem miðlar 365 hafi náð vopnum sínum og náðu RÚV í sjónvarpi ef skoðað er áhorf í mínútum. þá var horfðu landsmenn í 530 mín á sjónvarpsstöðvar 365 en í 525 mín. á RÚV og RÚV+. Þetta verða að teljast talsverð tíðindi.

Það var líka upplýst að auglýsingatekjur RÚV voru 516 milljónir á fimm mánaða tímabili, frá apríl til september á síðasta ári. Líklega eru tekju RÚV af kostunum og auglýsingum um 1,5 miljarður.

Í útvarpi hafa útvarpsstöðvar 365 yfirburðar forskot á RÚV í mikilvægasta aldurshópnum 12 til 49 ára. Það forskot hefur aukist undanfarið.

Tímarita auglýsingum fækkar í USA

2008-04-15T16:11:00.000-07:00

Á fyrsta ársfjórðungi þessa árs fækkaði auglýsingum í tímaritum verulega vestanhafs. Ljósið í myrkrinu eru tímarit um mat. Þar fjölgaði auglýsingum talsvert. Mest er fækuninn í tímaritum sem fjalla um viðskipti og þar sem munaðarvara er auglýst.

En örvæntið ekki fjöldi auglýsinga segir ekki alla söguna, það er innkoman sem skiptir máli. Publishers Information Bureau ( PIB ) segir að fyrsti ársfjórðungurinn hafi skilað tímaritum 5,2 milljörðum dollara í tekjur af auglýsingasölu. Það er 1,2 % samdráttur frá sama tímabili í fyrra.

Auglýsingasala í tímarit gekk vel á Íslandi á fyrsta ársfjórðungi.

Dagblöð í vanda

2008-04-14T01:20:00.000-07:00

Það er víðar en á Íslandi sem dagblöð eiga í vanda. Í Fraklandi hefur eitt virtasta dagblaðið þar í landi Le Monde átt í erfiðleikum undanfarið. Blaðið hefur að sögn The Economist tapað 20 milljónum Evra á síðustu 9 mánuðum og skipt hefur verið um ritstjóra tvisvar. Þetta gerist þrátt fyrir að blöð í Frakklandi njóta ríkisstyrkja. 130 starfsmönnum blaðsins var sagt upp í síðustu viku og eins og franskra er siður boða þeir verkfall vegna þessa í dag 14. apríl.

Á sama tíma eykst lestur á fréttatengdum vikuritum. Sala á Le Point, jókst t.d. um 8%.

Minkandi áhugi á dagblöðum í áskrift og aukin lestur á vikuritum sem skýra fréttir kemur ekki á óvart. Þessu hefur verið spáð um nokkurn tíma. Framboð á almennum fréttum, frítt er sífelt að aukast, áreitið eykst. Það er aftur tækifæri fyrir þá sem selja fréttaskýringar.

Auglýsingar í GSM

2008-04-10T06:39:00.001-07:00

Skýr sýn

2008-04-10T06:29:00.000-07:00

Ógnanir eru tækifæri.

Nýr ritstjóri Mónitors

2008-04-10T02:42:00.000-07:00

Birgir Örn hætti sem ritstjóri Monitors í gær og Atli Fannar blaðamaður á 24 stundum tók við. Samkvæmt fréttum í gær þá sá Atli þessi um innblaðið á 24 stundum. Sjálfsagt hefur hann og eigendur Moritors væntingar til þess að hann auki lesturinn á blaðinu. En skoðum hver árangurinn er. 24 stundir eru með ótrúlega lítinn lestur hjá fólki undir 30 ára þrátt fyrir gríðarlega dreifingu. Í hópnum 12 - 19 ára er lesturinn undir 25% þrátt fyrir að blaðinu sé dreift heim til fólks. Sem dæmi þá er lesturinn á Séð og heyrt í þessum hópi 52%, Myndir mánaðarins 59%, Monitor er lesið af 20% í þessum hópi en það er ekki hægt að líkja aðgengi, eða kosnaði saman. Árangur Monitors er því mun betri. Ungt fólk hefur s.s. hingað til ekki haft áhuga á því sem Atli Fannar skrifar. Þessi tíðindi eru því tækifæri fyrir 24 stundir á að gera betur og ná upp lestri hjá ungu fólki. Varla getur það versnað.

Vinsælasta sjónvarpsefnið í UK

2008-04-08T06:38:00.000-07:00

Vinsælasta sjónvarpsefnið í UK þetta árið er "I am the Elephant Man"

3.5 milljónir horfðu á þáttin í gærkveldi, 7. apríl á sjónvarpsstöðinni Channel 4. Rúmlega 200 þúsund horfðu síðan á þáttinn á Channel 4+ klukkutíma síðar. Þetta er um 6% af mannfjölda á Bretlandi.

Vinsælasta sjónvarpsefnið á Íslandi þetta árið er úrslitaþátturinn af Laugardagslögunum sem sýndur var 23.febrúar.

Tæplega 80% fólks horfði á þáttinn pg 28% í endursýningu daginn eftir. Það er ekki ólíklegt að um 250 þúsund hafi horft á þáttinn.

Það er auðveldara að plana auglýsingar á Íslandi en Bretlandi.

Séð og heyrt skákar blöðum Árvaks

2008-04-03T08:45:00.000-07:00

Í vikunni var birt ný könnun á lestri tímarita. Í stuttu máli þá komu tímarit Birtíngs vel út í þessari könnun. Sérstaklega er athyglisverður lestur á Séð og heyrt í hópnum 12 til 39 ára ( undir 40 ára) 35 % lesa blaðið ( 12 til 80 ára ) þetta eru 87 þúsund mans á þessum aldri. Mér virðis sem 44% fólks undir 40 ára lesi Séð og heyrt eða 56 þúsund. Til samanburðar þá lesa 35 þúsund Morgunblaðið og 42 þúsund 24 stundir.

Meira um auglýsingatekjur í USA

2008-03-31T12:12:00.000-07:00

Þótt auglýsingatekjur í USA hafi dregist saman um 7,9% á síðasta ári ( 9,4% í prenti )eins og ég sagði frá hér áður, þá eru auglýsingatekjur dagblaða í sögulegu hámarki um þessar mundir.

Hér er mynd af því hvernig auglýsingatekjur hafa þróast frá árinnu 1982 ( ljósbrúna línan eru tekjur af vefauglýsingum )

Auglýsingatekjur dragast saman

2008-03-31T09:42:00.000-07:00

The New York Times birti frétt í dag þess efnis að auglýsingatekjur dagblaða í USA hafi dregist saman um tæp 8% á síðasta ári og er það næst mesti samdráttur í 50 ár þar í landi. Tekur af prentuðum auglýsingum drógust saman um 9,4% en jukust um 18,8% á vefnum. Það er mun minni aukning en frá árinu áður þegar tekjur af auglýsingasölu á vefnum jukust um 30%.

Fréttastofa Stöðvar2 vinnur á

2008-03-28T09:05:00.000-07:00

Heldur hefur áhorf á Fréttir Stöðvar2 aukist að undanförnu. Þeir draga á fréttir RÚV.

Að sökkva hratt

2008-03-18T06:19:00.000-07:00

Á aðeins 100 tímum fór Bear Stearns úr því að vera virtur fjárfestingabanki á Wall Street, í vandræðum að vísu í það að vera rústir einar.

( úr Viðskiptablaðinu )
10. mars 2008 - BS segir engan fót fyrir þeim sögusögnum
að bankinn sé í miklum lausafjárvandræðum. Forstjóri
BS segir efnahagsreikning bankans sterkan sem
og lausafjárstöðu og fjármögnun.

12. mars 2008 - Schwarz: „Ég sé lítinn þrýsting á lausafjárstöðu
okkar. Við erum í stöðugu sambandi við alla
okkar helstu lánveitendur og hingað til hefur enginn
neitað að lána okkur. Allar þær vangaveltur sem eru í
gangi eiga við lítil rök að styðjast.“

14. mars 2008 - BS staðfestir að samkomulag hafi náðst
við JPMorgan Chase og Seðlabanka Bandaríkjanna um
fjármögnun. Schwartz segir BS hafa verið viðfangsefni
orðróms sem hafi haft áhrif á stöðu bankans. „Í miðju
skrafinu á markaðnum hefur lausafjárstaða okkar
versnað til muna síðasta sólarhringinn.“

16. mars 2008 - Gert er opinbert að JPMorgan Chase
muni taka yfir BS fyrir um 230 milljónir dollara, eða um
2 dollara á hlut. Sú upphæð nemur um 17 milljörðum
króna, en til samanburðar er markaðsvirði Vinnslustöðvarinnar
hf. um 13 milljarðar króna.

Hlustun á útvarp

2008-03-14T06:06:00.000-07:00

Ég hef ekki séð mikið fjallað um hlustun á útvarp eftir að byrjað var að mæla með rafrænni aðferð (ppm). Útvarp hefur verið á uppleið í talsverðan tíma og með auknum áhuga hafa auknar auglýsingatekjur farið í útvarp. RÚV jók talsvert veltu í útvarpi og 365 jók verulega auglýsingatekjur á síðasta ári eins og búist var við. Hins vegar voru einhverjum litlum útvarpsstöðvum lokað sem vour fyrst og fremst í samkeppni við 365.

Því var líka spáð að með tilkomu ppm færu enn meiri tekjur til útvarps, það á eftir að koma í ljós. Því var líka spáð að lítt þekktar stöðvar kæmu betur út úr mælingum með ppm heldur en dagbókarkönnunum. Reynslan er önnur.

Stöðvar 365 koma mun betur út en RÚV, öfugt við það sem hefur gerst í sjónvarpi.

Um 70% af mældri hlustun fólks undir 50 ára er á stöðvar 365 og er að aukast. Það ætti að gefa þeim færi á að auka verulega tekjur í útvarpi.

RÚV er með ívið meiri hlustun hjá öllum. Sá markhópur er ekki eins verðmætur því er róðurinn þyngri þar.

Áhorf á fréttir

2008-03-14T05:35:00.000-07:00

Eins og sést á þessu línuriti eru Kastljós og fréttir RÚV með yfirburðar stöðu gagnvart fréttum Stöðvar 2 og Íslandi í dag. Staðan hlítur að vera fréttastjóranum mikið áhyggjuefni. Fréttir Stöðvar 2 eru um margt ágætar og fréttastofan ágætlega mönnuð góðum fréttamönnum. Sem dæmi þá er American Idol í læstri dagskrá með mun meira áhorf en Fréttir Stöðvar 2 sem er í opini dagskrá. Eitthvað er fréttastjórinn að gera vitlaust.

Hollywood og internetið

2008-02-26T06:35:00.000-08:00

Í The Economist er sagt frá vefsíðu zml.com í athyglisverðri grein um Hollywood, kvikmyndaiðnaðinn og internetið. Greinin fjallar um þær ógnanir og þau tækifæri sem kvikmyndaiðnaðurinn stendur frami fyrir í dag. Þótt sumir segja að ólöglegt niðurhal muni ganga af kvikmyndaiðnaðinum dauðum benda aðrir á þau tækifæri sem felast í auðveldari aðgengi að markhópum. En skoðið þessa síðu.

Zml.com er nefnt sem dæmi um hvernig kvikmyndum verður dreift í nánustu framtíð. Gallinn við þessa síðu er hins vegar að hún er jú sjóræningasíða. Hér heima höfum við fengin nasasjóna af baráttu rétthafa við "ólöglegu" niðurhali á myndum í barátu SMÁÍS gegn vefsíðum sem buðu upp á niðurhal á myndum.

Is junk media making you sick?

2008-02-24T03:48:00.000-08:00

Variety til sölu

2008-02-23T11:32:00.001-08:00

Tímaritið Variety og tugir annara tímarita, m.a. Publishers Weekly eru til sölu. Þetta kemur fram í NYT í dag. Útgáfufyrirtækið Reed Elsevier sem á tímaritin hyggst losa sig við þau vegna óvissu á auglýsingamarkaði og losa um fé til þess að kaupa þekkingarfyrirtækið ChoicePoint Reed Elsevier hyggst með þessu færa sig frá tímaritaútgáfu og sérhæfa sig í að afla og selja upplýsingar.

Þess má geta að ChoicePoint er helsti keppinautur Nielsen Business Media sem margir þekkja fyrir mælingar á áhorfi á sjónvarp.

Last.fm

2008-02-23T04:05:00.000-08:00

Last.fm er síða í eigu CBS sem hefur 21 milljón notenda og vex hratt. þetta er "on damand steaming" síða fyrir tónlist. Þú hleður ekki niður tónlist á harða diskinn þinn af síðunni heldur getur þú hlustað á tónlist á síðunni og keypt á t.d. á Amazon eða 7 digital ef þér býður svo við að horfa. Síðan var opnuð í síðasta mánuði eftir að samkomulag náðist við Universal, Sony BMG, EMI og Warner Music Group.

Skoðaðu þessa síðu hún getur orðið stór á næstu mánuðum.

Sjónvarpsáhorf

2008-02-22T15:35:00.000-08:00

fyrstu þrjár vikurnar í mælingu með PPM er þróuninn þessi meðal 12 til 49 ára:

Það vekur athygli að RÚV eykur forskot sitt og Stöð 2 gefur eftir. Nú sýnir RÚV 17 vinnsælustu sjónvarpsþættina. Fréttir RÚV eru með 44% uppsafnað áhorf en frettir Stöðvar2 með 23% uppsafnað áhorf. Munurinn er 21 prósentustig eða 90% meira áhorf á Fréttir RÚV.

Bandið hans Bubba og Logi í beinni fá rúm 13% áhorf. Það er a.m.k.ekki glimrandi gangur.

Hvað skapar merki

2008-02-22T09:02:00.000-08:00

Er mörkun háð tilviljunum?

Vinsældir netsamfélaga dala

2008-02-21T13:11:00.000-08:00

Það er frétt á dv.is um það að vinsældir netsamfélaga fara dvínandi. Notendur Facebook voru 8,9 milljónir í í desember en 8,5 milljónir í janúar. Kemur svo sem ekki á óvart að vinsældir einstakra netsamfélaga dali en notendum á Facebook hefur fjölgað um rúm 700% frá árinu áður.

Á Íslandi er Myspace vinnsælla en Facebook samkvæmt alexa. Myspace er þriðja vinsælasta síðan á eftir Google.is og Youtube en Facebook nr 10.

Það er athyglisvert að pólsk síða nasza-klasa.pl er tólfta vinsælasta síða samkvæmt mælingum alexa

Sjónvarpstjórar rífast

2008-02-19T02:41:00.000-08:00

Sjónvarpsstjórar Stöðvar tvö og Skjás eins eru komnir í hár saman vegna túlkunar á niðurstöðum mælinga á áhorf á sjónvarp. Allir eru þó sammála um að þessi könnun er mjög góð fyrir RÚV. Í fyrsta lagi þá eiga þeir 14 af 15 vinsælustu þáttunum. Í öðru lagi þá er í fyrsta sinn mælt áhorf á augýsingar líka. Þar kemur í ljós að fólk er ekki mikið að skipta á milli stöðva á auglýsingatímum. Brottfallið er 5 til 10% en hingað til hefur verið gert ráð fyrir 10 til 20% brottfalli og talið var að það gæti verið meira ( sýndi ,,könnun" nema í fjölmiðlafræði að 5 af hverjum 7 skiptu um stöð ? ) Þetta er rosalega mikilvægt fyrir RÚV sem getur ekki sett auglýsingatíma inn í þætti með sama hætti og hinar stöðvarnar.

Hins vegar er rétt að áhorf á Stöð 2 og Skjá 1 svipað og verið hefur undanfarið í mínútum talið, í raun heldur meira eins og sjónvarpsstjórarnir hafa verið að draga fram. Það er hins vegar ekki rétt að áhorf á Stöð 2 hafi aldrei verið meira, a.m.k. ekki ef notaður er mælikvarðinn áhorf í mínútum. Árið 2005, var áhorf á Stöð 2 mun meira en RÚV mælt í mínútum og mun meira en nú. Það að áhorf er mikið í mínútum talið gefur þeim frjálsu sjónvarpsstöðvunum ágætt tækifæri til að ná til auglýsenda. Líklegast er þó að augýsingafé fari meira á RÚV á næstunni.

Eins og búist var við þá minnkar áhorf á fréttir með þessari nýju mælingaraðferð ( áhorf er meira á þætti sem fjalla um þjóðmál og fréttir ef spurt er hvað varstu að horfa eins og áður var gert í stað mælinga á því hvað fólk gerir eins og nú er gert )

Blóðtaka fyrir 365

2008-02-14T07:54:00.000-08:00

Í gær var tilkynnt að Viðar Þorkelsson fjármálastjóri 365 tæki að sér fjármálastjórn FL group. Viðar hefur verið leiðandi í þeim umbótum sem gerðar hafa verið í 365 undanfarið, lykillmaður þar á bæ.

Einar Logi Vignisson sem gengdi stöðu auglýsingastjóra sjónvarps er líka hættur störfum og farinn á RÚV. Það er mikill missi fyrir 365 að missa Einar til keppinautar, líklega meiri en stjórnendur 365 grunar.

Rafrænar mælingar

2008-02-10T16:03:00.000-08:00

Það er von til þess að niðurstöður mælinga á sjónvarpsáhorf og útvarpshlustun sé að vænta nú í vikunni. Nú er eins og flestir vita mælt með rafrænum hætti( PPM ), áður var mælt með dagbókum.

Helstu niðurstöður útvarpsmælinga eru að stóru útvarpsstöðvarnar koma svipað út innbyrðis og í mælingar með dagbókaformi sýndu. Hlustun er þó jafnari yfir daginn en mælingar sýndu áður.

RÚV er sigurvegari þessara mælinga á sjónvarpsáhorfi. Áhorf á RÚV er meira og það er lítið brotfall á milli þátta. Það kemur RÚV mjög vel vegna þess að þeir hafa ekki sömu möguleika á því að setja auglýsingatíma inn í þætti og einkareknu sjónvarpsstöðvarnar. Lítið brottfall er því mjög góð niðurstaða fyrir RÚV. skjár 1 kemur lakast út úr þessari mælingu.

Lestur dagblaða

2008-02-06T03:16:00.000-08:00

Niðurstöður mælinga á lestri dagblaða voru birtar í gær á heimasíðu Capacent. Fréttablaðið er með 61,8% lestur, 24 stundir með 45,8 og Morgunblaðið með 41,7%.

Öll blöðin eru í vanda. Fréttablaðið hefur enn sem áður yfirburðastöðu á auglýsingamarkaði. Ekki er nóg með að meðallestur Fréttablaðsins sé meiri heldur er það áfram með yfirburðastöðu meðal fólks undir 40 ára, mikilvægasta markhópnum.

Fréttablaðið er engu að síður í vanda. Lestur hefur minnkað um 7% á skömmum tíma þrátt fyrir þá staðreynd að blaðinu er nú dreift víðar en áður og að farið var í stóra auglýsingaherferð; "allt sem þú þarft."

Vandi Morgunblaðsins er sínu meiri. Lestur Morgunlaðsins var 54,3% í maí 2006 (þegar Fréttablaðið hóf göngu sína var lestur Morgunblaðsins um 60%). Á um 19 mánuðum hefur Morgunblaðið misst tæplega fjórðung lesenda. Lestur fólks undir 40 ára var í maí 2006 á bilinu 43-46%. Nú mælist lestur Morgunblaðsins í aldurshópnum 20 til 29 ára 19%. Það hefur misst rúmlega helming lesanda á þessum 19 mánuðum í þessum aldurshópi. Þetta er svarthol Morgunblaðsins og boðar endalok blaðsins.

24 stundir er sigurvegari þessara mælinga með 46% lestur þar sem þeir bæta við sig mestum lestri af öllum blöðum. En sigurinn er ekki eins stór og við var búist. Ég efast jafnframt um að það hafi verið sannfærandi fagnaðarlæti upp á Hádegismóum þegar þessar tölur birtust. Fyrirsvarsmenn 24 stunda hljóta að hafa vonast eftir betri útkomu, voru búnir að auglýsa mun meiri lestur fyrir áramót. Varla hefðu þeir gert það nema vera nokkuð sannfærðir um að þeir næðu þeim árangri. Þessi árangur, 46% lestur, er sami árangur og Sigurjón Magnús náði með blaðið í september 2006 og þá var það var með minni dreifingu og ekki þessa miklu auglýsingakeyrslu sem verið hefur. Í raun var árangurinn betri þá því lestur yngri en 40 ára var meiri. Þeir hjá Árvakri hafa sagt að herferð 24 stunda sé sú dýrasta sem dagblað hefur ráðist í. Hverju er hún að skila? Lesturinn er minni nú en í upphafi herferðar! 24 stundir ná ekki að komast nógu nærri Fréttablaðinu og ekki að toga lestur þeirra nóg niður til þess að taka auknar auglýsingatekjur af þeim. Munurinn er einfaldlega of mikill.

Þeir bæta þó töluverðu við lesturinn ef miðað er við maí 2008 líkt og með hin blöðin tvö hér að ofan. Á þeim tímapunkti mældist lestur 24 stunda/Blaðsins 32%. Lestur 24 stunda hefur s.s aukist um 44% frá þeim tíma sem er jú töluvert (reyndar náðist sami árangur í sept 2006 eins og áður sagði undir stjórn sme).

Öll dagblöðin virðast því samkvæmt þessum nýju mælingum eiga í vanda.

Mælingar á neyslu fjölmiðla

2008-01-31T06:56:00.000-08:00

Það hefur verið ljóst í nokkurn tíma að fjölmiðlakannanir hafa verið meingallaðar. Því var því það að fyrir nokkrum misserum var ákveðið af hagsmunaaðilum að kanna áhorf á sjónvarp og hlustun á útvarp með rafrænum hætti og mæla lestur með stöðugum símakönnunum. Ástæðan var að dagbókakannanir sem notast var við voru ekki að vikra. Svarhlutfallið var komið í 40% og undirskekkjumörkum í einstökum hópum, það gat ekki gengið áfram.

Síðasta haust birtust niðurstöður í lestrarkönnunum með nýju sniði og hefur það gengið afar vel. Stefnan var sett á að niðurstöður rafræna mælinga fyrir sjónvarp og útvarp yrðu birtar ekki síðar en haustið 2006. Það bólar hins vegar ekkert á þeim niðurstöðum nú einu og hálfu ári síðar. Og það sem verra er það er ekki verið að mæla með dagbókarkönnun heldur.

Á heimasíðu Capacent sést að síðasta mæling á útvarpi var í mars 2007. Það er s.s. tæpt ár síðan. Þar eru líka niðurstöður könnunar á áhorf á sjónvarp síðan í júní 2007 og ekkert eftir það. Þetta er það sem auglýsendur hafa í höndum til þess að ákveða staðsetningu á auglýsingum sínum. Það gefur augaleið að auglýsandin hefur ekkert annað en hyggjuvitið og gamlar upplýsingar til þess að byggja á.

Þetta virðist hins vegar ekkert hafa að segja fyrir auglýsendur. Þeir auglýsa eftir sem áður í útvarpi og nú sem aldrei fyrr. Þeir auglýsa líka eftir sem áður í sjónvarpi. Ég get með engu móti skilið afhverju auglýsendur hafa ekki krafist úrbóta. Ástandi hlýtur að vera með öllu óþolandi fyrir þá. Nema að það hafi alltaf verið hyggjuvitið sem réð ákvörðun en ekki rannsóknir.

Þá er spurning hvers vegna verið er að eyða fé og fyrirhöfn í kannanir sem ekki er þörf fyrir, eða hvað?